യൂട്യൂബ് നോക്കി ഡയറ്റെടുത്ത പെണ്കുട്ടിക്ക് ശരീരം ശോഷിച്ച് ദാരുണാന്ത്യം. കണ്ണൂര്‍ കൂത്തുപറമ്പ് മെരുവമ്പായി സ്വദേശി ശ്രീനന്ദ(18)യാണ് മരിച്ചത്. തലശേരി ആശുപത്രിയില്‍ ചികില്‍സയിലിരിക്കെ ഇന്നലെയാണ് മരണം സംഭവിച്ചത്. യൂട്യൂബില്‍ കണ്ട ഡയറ്റ് പിന്തുടര്‍ന്നുകൊണ്ട് വളരെ കുറച്ച് മാത്രമാണ് ഭക്ഷണം കഴിച്ചിരുന്നത് അവസാനം ആമാശയവും അന്ന നാളവും ചുരുങ്ങിയാണ് മരണമെന്ന് റിപ്പോർട്ട്
വണ്ണം കുറയ്ക്കുന്നതിനായി വളരെ കുറച്ച് മാത്രം ഭക്ഷണമാണ് പെണ്‍കുട്ടി കഴിച്ചിരുന്നത്. ശരീരത്തെ സാരമായി ബാധിച്ചതോടെ വീട്ടുകാര്‍ ആശുപത്രിയില്‍ പ്രവേശിപ്പിച്ചു. കോഴിക്കോട് മെഡിക്കല്‍ കോളജിലും പെണ്‍കുട്ടി നേരത്തെ ചികില്‍സ തേടിയിരുന്നു. എന്നാല്‍ രോഗം ഗുരുതരമായതിനെ തുടര്‍ന്ന് തലശേരി സഹകരണ ആശുപത്രിയില്‍ പ്രവേശിപ്പിച്ചിരിക്കുകയായിരുന്നു. വെന്‍റിലേറ്ററിന്‍റെ സഹായത്തോടെയാണ് ശ്രീനന്ദയുടെ ജീവന്‍ നിലനിര്‍ത്തി വന്നിരുന്നത്. ഇതിനിടയില്‍ അന്ത്യം സംഭവിക്കുകയായിരുന്നു
മട്ടന്നൂർ പഴശ്ശിരാജ എൻ.എസ്.എസ്. കോളജ് ഒന്നാംവർഷ ബിരുദ വിദ്യാർഥിനിയാണ്. പഠനത്തിൽ മിടുക്കിയായിരുന്നു. അച്ഛൻ: ആലക്കാടൻ ശ്രീധരൻ. അമ്മ: എം. ശ്രീജ (മെരുവമ്പായി എം.യു.പി. സ്കൂൾ ജീവനക്കാരി). സഹോദരൻ: യദുനന്ദ്
